Real Madridi ka shënuar fitore si mysafir i Osasunas me rezultat 2-0 në kuadër të javës së 22-të në La Liga.
Pjesa e parë ishte e barabartë me të dyja skuadrat që kishin raste.
Fillimisht rrezikoi Vinicius Junior në minutën e 10-të, por portieri vendas ishte në vend.
Në anën tjetër ishte Ante Budmir që kishte dy raste në minutat 15’ dhe 43’, por pa sukses.
Real Madridi e nisi fuqishëm pjesën e dytë, duke radhitur rastet.
Rodrygoi provoi i pari, ndërsa Vinicius dy herë pas tij, por pa sukses.
Në minutën e 63-të, Osasuna goditi shtyllën me Moi Gomez.
Mbretërit morën epërsinë në këtë ndeshje në minutën e 79-të, kur Fede Valverde shënoi gol për 1-0.
https://twitter.com/cplussportafr/status/1627064101774950400
Pak pa u mbyllur ndeshja Vinicius Junior shënoi për 2-0, por goli u anulua nga VAR.
Por në kohën shtesë, mbretërit shënuan sërish me Marco Asension për 2-0.
Me këtë fitore, Real Madridi i afrohet Barcelonës në pesë pikë, me katalunasit që kanë një ndeshje më pak të zhvilluar.
